Theuderich IV.

Theuderich IV.
König vo de Franke König vo Austrasie, Neustrie und de Burgunder
Fantasiibild vom Theuderich IV. (Jean Dassier 1676-1763).
Regierigsziit	721-737
Uf d Wält cho	noch 711
Gstorbe	737
Vorgänger	Chilperich II.
Dronfolg	Dr Brueder vom siim Vorgänger Chilperich II., aber dr Huusmeier het en usegläse.
Nochfolger	noch eme Interregnum: Childerich III.

Dr Theuderich IV. (* noch 711; † zwüschen em 16. März und em 30. April 737) isch dr Sohn vom Dagobert III. und dr vorletzt merowingisch Frankekönig gsi.

Er isch 715 übergange worde, statt ihm isch dr Chilperich II. zum König über Neustrie ernennt worde. Im Johre 716 isch dr Theuderich „zur Erziehig“ ins Chloster Chelles gschiggt worde und denn in d Picardie noch Château-Thierry, wo si Name vom Theuderich IV. übercho het. Wo dr Chilperich II. 721 gstorben isch, het dr Huusmeier Karl Martell, wo dr eigetlig Herrscher vom Frankeriich gsi isch, dr Theuderich as Schattekönig gwehlt. Quelle über Aktivitäte in siiner Regierigsziit git s nit. Dr Theuderich isch 737 gstorbe und dr Königsdron isch bis 742 nit bsetzt worde, wo dr Huusmeier Pippin III. dr Childerich III. zum König erhobe und churz druf abgsetzt het.